Sawt al Niswa | صوت النسوة - Workers' Rights

عن انقطاع الكهرباء كعنف ضد النساء

deema kaedbey — Sun, 27 Sep 2015 08:34:52 +0000

ديمة قائدبيه

"الله يسامحن قد ما عم بيعذبونا... كهربا وماي ودولة خليها ع الله والناس كلها تعبانة. حرام عليهن يعملو فينا هيك."

هذه الأيام أسمع الكثير من النساء يشتكون من أنهن يرمين الطعام الذي في البراد بسبب انقطاع الكهرباء، وهي نفس القصة التي أسمعها كل صيف حيث تنقطع الكهرباء لأكثر من 9 ساعات متتالية في عزَ الصيف. وأسمع من حولي قصصاً أخرى عن جيران وأقارب خرجوا حديثاً من عمليات جراحية أو يعانون من آلام الديسك او هم أكبر سنناً، يعيشون في بنايات ويضطرون الى استعمال الدرج بسبب انقطاع الكهرباء للمصعد. وكامرأة تعتمد على الكومبيوتر في عملها، يؤثر انقطاع الكهرباء على انتاجيتي بشكل متكرر. لهذا، وفي وقت يكثر الكلام عن العنف المباشر في التظاهرات الحالية ضد فساد الطبقة السياسية اللبنانية، يذكرنا انقطاع الكهرباء أن سبب هذه المظاهرات هو العنف البنيوي أي عنف النظام الذي يمنع عنا احتياجاتنا الأساسية كالكهرباء والماء وفرص العمل وحقنا بعدم وجود أي مصدر يهدد صحتنا وعيشنا، كالنفايات. اقرأ عنوان مقالتي وأتردد للحظة. حتى وأنا قد درست ودرَست عن العنف البنوي، لا يزال مصطلح "العنف ضد النساء" في ذهني يستحضر صور وأمثلة من العنف المباشر عليهن. لكن انقطاع الكهرباء هو عنف، هو ليس فقط انقطاعاً وانكفاءً (بصيغة المستتر) بل هو تعدي فعلي على حياتنا وأعمالنا وصحتنا. وهو يشمل عنف ضد النساء.

في هذا المقال اذاً أدخل في تفاصيل هذا التعدي على على حياة النساء العاملات في بيوتهن، لبنانيات وسوريات، متزوجات وغير متزوجات، والذي يزيد من الأعباء. وتضاعف العنصرية من أعباء النساء الذي يخلفها نقطاع التيار. ويبقى احد اهم أداة للحد من الضرر والضغط جراء هذا العنف البنيوي هو العلاقات التي تخلقها النساء. وفي التظاهرات الحالية ضد الفساد، يتضح لنا أن انقطاع الكهرباء والماء والاحتياجات المعيشية هي سبب نزول عدد من النساء الى الشارع. وفي الوقت نفسه، يصبح انقطاع الكهرباء في شوارع وسط بيروت في ليالي المظاهرات اداة بنيوية أخرى تزيد من احتمال العنف الجنسي والجسدي.

تتأثر النساء بانقطاع الكهرباء كأي شخص يعيش في هذا البلد لأنهن جزء من المجتمع، متواجدات في معظم المساحات والقطاعات. لكنهن ايضاً يتأثرن بطرق محددة، بالأخص النساء اللواتي يشكلن القوى العاملة الأساسية داخل البيت وتقع عليهن مسؤولية ادارة احتياجات افراد عائلاتهن. وحتى مع عمل النساء في وظائف خارج المنزل، لا يزلن العاملات الأساسيات (وفي معظم الأحيان الوحيدات) اللواتي يقمن بالأعمال المنزلية واعمال الرعاية، إما بأنفسهن او من خلال "تفويض" نساء مهاجرات للمساعدة أو للقيام بكافة هذه المهمات. لهذا كان اهتمامي في ان اكتب عن هذه الفئة من النساء (بالطبع من دون تعميم صفة "ربات البيوت" والعمل المنزلي على كل النسوة)، فاسأل بعض النساء عن تفاصيل تأثير انقطاع الكهرباء عليهن وعلى أشغالهن.

تذكرني ليلى أن معظم عملها يعتمد على الكهرباء "الغسيل. الكناسة. الكوي. الفرن." لذلك حين تنقطع الكهرباء "بيوقف كل شغلي."[1] لكن النساء ايضاً ينسقن برنامجهن اليومي مع التقنين، أو يسارعن الى انهاء الأعمال الأساسية لكل يوم ما إن تأتي الكهرباء.

وقد تستطيع بعض النساء الاعتماد على الموتور او البطارية لادارة اعمالهن —رغم التكاليف الاضافية ورغم عدم قدرة الموتورات على تحمل كل الأدوات المنزلية (كما تقول سلوى: "أوقات بينقطع الموتور... بدي دوِر المايكروايف ما فيني... ال{المكيف} ما بتدوريه. كوي ما فيكي تكوي لأنو 5 أمبير بس." لكن هناك اخريات لا يستطعن تحمل كل هذه التكاليف.

يصبح انقطاع الكهرباء اكثر عبئاً على اللاجئيين الذين يعانون ايضاً من العنصرية والغربة والحد من حريتهم في التنقل. مثلاً، نتيجة حظر التجول في الليل المفروض على السوريين المقيمين في بعض المناطق اللبنانية، لا تستطيع النساء تدبير امور عائلتهن عند انقطاع الكهرباء، حيث يمنع عليهم الخروج من البيت لشراء الشموع او الكبريت او أي من الاحتياجات الأساسية. وهنا تصبح العلاقات التي تكونها النساء مع جاراتها مهمة لنجاة العائلة في هذه الظروف.

تخبرني زكية، وهي لاجئة من سوريا، بأنها لا تملك براداً فتضع طعامها في براد جارتها (وهي لبنانية-سورية). لكن مع انقطاع الكهرباء؟ "شو بدي أعمل؟ بطبخ الطبخة وبكبها. كل يوم ...مناكل منها شوي ومنكبها." وهي وجارتها تعانيان فتضطران الى رمي اللحمة والطعام: "بحط {الأكل} عند الجارة، هيي بتكب لحمتها وأنا بكب." وبما أن زوج زكية لم يستطع أن يجد وظيفة، عملت في الزيتون والرمان وابتاعت غسالة مستعملة. وهنا ايضاً تعاكسها الكهرباء فتغسل "عل الإيد... وقت ما في كهربا الولاد... ما عندن ثياب كتير، بضطر اني اغسلهن ثيابهم." وفي حين يضطر الكثير من الأولاد للدراسة على ضوء الشمعة، يعاني اولاد هذه العائلة، كغيرهم من الأولاد اللاجئين، من عدم قدرتهم/السماح لهم في الذهاب الى المدرسة.

فمما لا شك فيه ان انقطاع الكهرباء يزيد من الأشغال ويصعبها، وهو عبء اضافي جسدي ومعنوي تتحمله النساء (كالغسيل على اليد ورمي الطبخة كل يوم) ويكون مخفياً في الكثير من الأحيان، أي قد لا يدرك افراد الأسرة مدى التعدي على حياة النساء وعلى اطالة ساعات عملهن وعلى صحتهن الجسدية والنفسية. كما لا نقدر كيف تغير وتنسق النساء عملها مع ذهاب وعودة الكهرباء او كيف تبتدع طرق للتقليل من الأضرار والتي قد نأخذها كشيء من المسلمات (كنشر الغسيل بطريقة يخفف من الحاجة الى الكوي) بدل أن نراها كبراعة في مواجهة الاعباء وفي تأمين احتياجات العائلة. ويعزز انقطاع التيار الأدوار التقليدية وثنائية/انقسام حياة النساء وحياة الرجال (كما يفعل عنف الدولة عادة). فالأرجح أن الكثير من الرجال في البيت لا يتطوعون للمساعدة في تحمل هذه الأشغال الاضافية، بل قد يخرجوا من البيت في حال انقطاع الكهرباء. أما حين يكون في البيت فتيات او نساء أخريات يكون متوقع منهن في الكثير من الأحيان المساعدة. فهنا يكون قد اُعيد تعزيز الأدوار وأعيد تخصيص المساحات داخل البيت كمساحة نسائية وخارجه كأماكن للرجال. ويزيد غياب الكهرباء من توتر أفراد العائلة التي غالباً ما تقع مسؤولية استيعابه على النساء كاحدى المهمات الرعائية المتوقعة منهن. لكن هنا ايضاً غالباً ما يكون اعتماد النساء على بعضهن امراً مهماً، مثلاً من خلال وضع الاكل في براد الجارة التي يكون برادها أكبر او التي عندها موتور يمكن الاعتماد عليه أكثر، او من خلال الزيارات التي قد تحصل في أوقات اانقطاع الكهرباء في النهار.

أما في التظاهرات التي تقوم حالياُ ضد فساد الطبقة السياسية على خلفية أزمة النفايات، وفي ليالي المظاهرات تحديداً، يتقاطع عنف الدولة—أي عنف قوى الأمن والقرارات السياسية التي تحرك هذه القوى، مع العنف البنيوي الذي هو انقطاع الكهرباء في شوارع وسط، ضد المتظاهرين والمتظاهرات بشكل خاص. فتقول ستيفاني (من صوت النسوة): حين تنقطع الأضواء في الشارع، الدولة تجعلنا غير آمنات.

وتعرف النساء والنسويات أهمية اضواء الشوارع لشعورهن بالأمان، وبأن المساحات المظلمة هي اماكن غير مرحِبة للنساء وللأشخاص الترانس والذين يخرجون عن معايير جندرية وجنسية محددة في هويتهم ومظهرهم وأدائهم، وتحمل خطر العنف والتحرش. وفي المظاهرات يصبح هذا الامر اكثر جلياً مع ملاحقة عناصر الأمن --او افراد ومجموعات أخرى، لِفض الاعتصامات أو تخويف المشاركين فيها. اما من اهتم للاعتصام وتابعه من خارج الساحة، يمنعنا انقطاع الكهرباء من معرفة أخبار المتظاهرات والمتظاهرين ومن نشر آخر مستجداتهم على تويتر وفايسبوك، فيصبح عنفاً معنوياً أيضاً، الى جانب كونه عنفاً بنيوياً.

في احدى المظاهرات، سألت زميلاتي في صوت النسوة النساء لماذا نزلن الى الشارع، فجاوبت احداهن: "لأنو ما عنا كهربا وما عنا ماي. مش لازم حدا يسأل ليش." ومع العلم بأن هذا الحديث جرى من امام شركة الكهرباء حيث اقيم اعتصاماً هناك، لا ينفي ان فئة من النساء ينزلن الى الشارع للتظاهر ضد هذا التعدي على حقهن وحق عائلاتهن في الكهرباء والماء، كما يتكلمن بحسرة عن هجرة ابنائهن بسبب ضيق فرص العمل في لبنان.[2]

معظم النساء اللواتي أجريت معهن مقابلات لهذا المقال لم ينزلن الى الشارع، لأسباب تتعلق بكونهن نساء "ربات بيوت" او لاجئات او متقدمات في السن او يعشن خارج بيروت، او ربما لأنهن لا يعرفن الكثير عن هذا التحرك وقد لا يثقن به. ولكن عبَرت كل هؤلاء النساء عن سخطهن تجاه الدولة والسياسيين. وبدى واضحاً عدم جعلهن هذا العنف أمراً طبيعياً يعتدن عليه، رغم استمراريته. احدى النساء مثلاً تكلمت عن غضبها لأن الدولة تُسيِر حياتها وتسيطر على جدول أعمالها: "بدنا نكوي ساعة اللي بدن هني، ساعة اللي بيعطونا الكهربا." وتساءلت ليلى لما لا يؤمن السياسيين كهرباء للناس بدلاً عن بناء القصور؟ وتقول جارتها لبوة " الله يسامحن قد ما عم بيعذبونا، كهربا وماي ودولة خليها ع الله والناس كلها تعبانة. حرام عليهن يعملو فينا هيك." اسألوا النساء فيقلن لكم ان هذا العذاب الذي تتكلم عنه لبوة ليس مجازياً، بل عذاب اقتصادي وعملي ومعنوي يمارسه النظام علينا-- نحن الذين تعبنا من هذا التعدي، من خلال سياسيين يجب محاسبتهم على فشلهم في تأمين أبسط حقوقنا المعيشية.

شكر خاص لستيفاني جسبيه لمساعدتها في اجراء المقابلات ولنقاشات حول المواضيع المطروحة هنا. هذا المقال بدأ من خلال العودة بالذاكرة الى "وطن التستسترون: أنا هنا" لسارة أبو غزال.

[1] تجدر الاشارة هنا ان معظم اللواتي اجريت معهن مقابلة لهذا المقال لا يوظفن عاملات مهاجرات في بيوتهن، وأن هذا المقال ينقصه اصوات العاملات المهاجرات وعلاقتهن مع الكهرباء، خاصة وأن هذه العلاقة قد تكون مدارة في الكثير من الاحيان من قبل "ربة المنزل" التي تأخذ قرارات العمل اليومي.

[2] كما تشير الكثير من النسوة اللواتي تم اجراء مقابلة معهن في راديو صوت

Publisher:

SawtalNiswa

Section:

Opinions

Category:

Workers' Rights

Tags:

Featured:

أسئلة برسم الاستفسار: قانون حماية المرأة من العنف الاسري

sara — Thu, 12 Apr 2012 21:00:00 +0000

Source : Kherrberr.org

وسام شعيب

عددت الأسباب والنتيجة واحدة، قانون مشوه، حماية قانونية تفعل موازين القوى الموجودة والمبنية على أساس تمييزجندري إن كان إقتصادياً، إجتماعياً أو سياسياً. موازين القوى التي تجعل المرأة مكانة ثانية، وهشة، ومن المحتمل أن تحمي الجاني وتظلم الضحية كما هي حال معظم القوانين.

ماذا لو إستيقظنا صباح ذلك اليوم على خبر تمرير قانون حماية النساء من العنف الاسري وكان مشوهاً؟ ليصبح قانون يحمي جميع أفراد الاسرة، من مسنين وأطفال، وذهبت غاية هذا القانون الذي كان في بادئ الأمر لحماية المرأة من العنف الأسري.

لماذا التشديد على حماية المرأة؟ ولماذا نعارض أن يشمل القانون جميع أفراد الاسرة؟

أولاً، صفعة على جبين هؤلاء الذين مازالوا يتساءلون “لماذا”.فنحن نعيش في بلد ومجتمعٍ ذكوري أبوي، رسخت فيه العادات والتقاليد أحقية للرجل على المرأة، وجعلته الآمر الناهي والمسيطر دائما، والمرأة تابعة له.

فلنأخذ على سبيل المثال، حق منح الجنسية، فالمرأة اللبنانية لا تستطيع منح اولادها الجنسية اللبنانية، إذا كان الاب أجنبي. أما الاب والزوج اللبناني فهو الوحيد القادر على منح الحنسية للأبناء مهما كانت جنسية الام . ومثال أخر على هامشية دور المرأة، حيث يتوجب عليها الحصول على موافقة الرجل الخطية إن كان على الأولاد السفر تحت رعايتها.

سؤالي لكم أنتم أيها المعترضون على القانون، لماذا تعترضون؟

ثانياً، إن هذا النظام الطائفي والذكوري، قد ساعد على تقوية موازين القوى وتحكيم الرجل في قرارت المرأة، حتى أصبحت حقوق المرأة مطلب مستحق يجب العمل على تحقيقه، والمضحك المبكي أنه مطلب منفصل عن حقوق الانسان لماذا؟ يبدو اننا لازلنا نعتبر أن المرأة عنصر ثانوي ويقع في الدرجة الثانية من الإنسانية.

ثالثاً، إقتصادياً تعد المرأة من دافعي الضرائب، هنا فقط تقع المساواة بينها وبين الرجل للأسف، إلا أنه حسب الدراسات، راتب المرأة التي تعمل في نفس الموقع مع الرجل، يقل من 20-40% عن راتب الرجل.

هذا دون الأخذ بعين الإعتبار المرأة غير العاملة والتي يرتبط مصروفها برضاء زوجها أو أبيها عنها، وبالتالي نرى أنماط التعنيف الإقتصادي الذي يقع ضمن الأسرة، والذي هو قليل ذكره،وإجبار الرجل لزوجته أو أخته بلزوم المنزل وعدم السماح لها بالعمل حيث تصبح حريتها الاقتصادية رهن الرجل الذي يعد وحده مصدر الدخل، فيصبح المدخول وكمية المدخول رهن ارادته.

رابعاً وللأسف، لا أدري إن كان الملام هنا المجتمع فقط، أم وسائل الإعلام، أم المجتمع والإعلام سوياً، فقد ساهموا بجميع الوسائل المعقولة بتسليع المرأة وجعل جسدها موضوع لذة جنسية، فاختفت الحقوق الجسدية والجنسانية للمرأة، وارتبطت فقط بإطار الزواج حيث هدفت لإرضاء الزوج لو حتى عن غصب، فهو ضمن الإطار الزوجي “لتملك“ لجسدها لذا لا يوجد هناك ما يدعى “إغتصابزوجي“ لأنه “شرعي“ إنتهاك جسد ورغبة المرأة. لما ؟

لنتحدث قليلاً عن التحرش الجنسي والإغتصاب، حيث يلقى اللوم على المرأة فهي التي تثير رغبة الرجل في “إغتصابها“، نعمل على قلب الموازين أيضاً، نجرم الضحية ونبرر للجاني، نعاقب تلك التي تحطمت جسدياً ونفسياً من التعنيف ونبرر لذلك الوحش الذي يرى أن عضوه الذكري خلاصه. لماذا؟

فإذاً، هل نرى الأن لما الحاجة لقانون يحمي المرأة، ليس لأنها غير قادرة ولا لأنها ضعيفة، بل لأن هنالك مؤامرة في هذا البلد لتضعيفها وجعلها مضرب عصا. فلا إقرار لقانون يسمح لها بمنح جنسيتها، ولا قانون يحمها من التعنيف جسدياً وإقتصادياً ولا حتى قانون يحميها من التحرشات الجنسية. أما القوانين الموجودة المتعلقة بالعنف والإغتصاب “من دون زوجه” مليئة بالفجوات التي التي يمكن أن يخرج منها المذنب المغتصب ببراءة

ولهؤلاء الذين سيلقون تعليقات تقول “أصبح على الرجل المطالبة بحقه الأن“ ردي عليكم هو “ عندما تُعَنفون وتُغْتَصبون في بيوتكم، من اهلكم أو أزواجكم، عندما يصبح جسدكم سلعة للانتهاك، ومعرض للاغتصاب، وعندما تعد موطناً من الدرجة الثانية، عندها لك الحق في المطالبة “ حتى ذلك الحين، إحترم اللواتي يطالبن بحقوقهن الطبيعية

Publisher:

Sawt al' Niswa

Section:

Opinions

Category:

Workers' Rights

Tags:

قانون الحماية من العمف الاسري في لبنان

Featured:

العمل المنزلي مجاناً... لخدمة من؟

deema kaedbey — Sun, 03 Apr 2011 21:00:00 +0000

ساندي شمعون، مصر 2009

Hiba Abbani هبة عبَاني

نشأت الرأسمالية على الاستغلال كركن أساسي لبقائها، فالأرباح تُجمع من خلالها، وتُكدّس الثروات، وفي حين يقوم الاقتصاد العالمي على استغلال فئات وشرائح المجتمع العاملة في السوق، نرى أن الاستغلال لا يقف عند هذا الحد، أي أنه لا يتمثّل فقط بالسيطرة على رأس المال والتحكم بمعدلات الأجور وحرمان العمال/ات من ما ينتجن/ون، بل إن العمل في ظل هذا النظام ليس مأجوراً في قسم كبير منه.

الامر الذي تحوّلت إليه العائلة النواة في ظل النظام الرأسمالي، يقع في صلب مصلحة الطبقات الحاكمة والرأسمالية التي تسعى بشكل محموم لزيادة أرباحها. وبالتالي، فإن للعائلة دور اقتصادي ليس فقط باعتبارها وحدة استهلاكية، بل باعتبارها مؤسسة إنتاج مستقلة تعمل على زيادة أرباح هذا النظام، وبشكل مجاني، وذلك من خلال العمل غير المأجور الذي تقوم به المرأة بشكل خاص من تربية وتنشئة لعمّال/ات المستقبل.

أما الأفكار السائدة في المجتمع فتتحدّث عن تقديس دور المرأة في العائلة كزوجة وأم، باعتباره (الدور) وظيفة اجتماعية ترتبط بقيم أخلاقية ودينية. بالتالي، فإن العمل المنزلي ورعاية الأطفال يكلّفان المرأة وقتاً وومجهوداً ويصبحان واجباً يومياً تحصل المرأة في مقابله مديحاً زائفاً يتم تدريسه للأسف في المدارس والجامعات، ويأخذ الحيز الواسع في النقاشات حول “فضيلة” الأمومة وأهميتها على شاشات التلفزة و حلقات الحوار التي تدّعي مناصرة المرأة.

إن خطورة هذا الوصف للدور الذي تقوم به المرأة في المنزل، هو المحاولة لفصل تلك الوظيفة عن علاقتها المباشرة بعلاقات الإنتاج والإنتاج نفسه. فالعمل المنزلي الذي تقوم به المرأة من تحضير المأكل والمشرب وأعمال التنظيف والغسيل، إنما هي خدمات نراها تُباع في السوق بشكل يومي، بينما تقوم الملايين من النساء بهذا العمل من دون أن يتقاضين أجراً.

حسب صندوق الأمم المتحدة للسكان، يُقدّر العمل المنزلي غير المأجور الذي تقوم به المرأة بنحو ثلث الإنتاج الاقتصادي في العالم. وفي البلدان النامية، يُقدّر أن ساعات عمل المرأة تزيد على ساعات عمل الرجل بنسبة ٣٠ في المئة. وهذا يعود بشكل مباشر كنتيجة لإيديولوجية السوق التي ترتكز على الإنتاج لخدمة الأرباح، لا لخدمة المجتمع. وبينما يجب أن تكون رعاية الأطفال هي مسؤولية اجتماعية مشتركة، تصبح هذه المسؤولية على عاتق المرأة لوحدها.

sبالاضافة إلى الاعمال المنزلية، فإن عمل المرأة الشاق والأبرز يتجلّى في رعاية الأولاد وإعدادهم وتربيتهم. ولا شك أن رعاية الأولاد دون مقابل تكفل للرأسمالية حريّة التحكّم بتحديد أجور متدنّية، وبالتالي الإمعان في الاستغلال وزيادة رؤوس الأموال، حيث كلفة إنتاج الطبقة العاملة (أي تربية عمال عاملات المستقبل) تقوم بها المراة مجاناً وهي مفصولة تماماً عن السوق.

الساعات الطويلة التي تصرفها المرأة لرعاية الأولاد وإعدادهم للمجتمع، ترتبط بشكل مباشر بزيادة الإنتاج خارج مؤسسة العائلة، أي في سوق العمل. فإذا كان إنتاج المواد المُستهلَكة في السوق أمراً أساسياً لزيادة الربح، فإن عملية إنتاج الأجيال التي تكوّن قوة العمل هو أمر بالغ الأهمية اليوم لحماية هذا النظام و زيادة أرباحه.

هكذا، يُلقى على كاهل المرأة مهمة إطعام الأولاد والاهتمام بصحتهم ورعايتهم بشكل مجاني، وبالتالي فإن اليد العاملة المعدّة على حساب ساعات وسنوات من العمل غير المأجور ستكون في أتم الجهوزية لدخول سوق العمل دون أي تكلفة، بحجة أن قيمة هذا العمل هي اجتماعية بحتة!

من هنا، نرى أن الرأسمالية كنظام اقتصادي يعتمد بشكل أساسي على عمل المرأة غير المأجور في المنزل، وإن الفائض في الإنتاج والأموال ليس فقط نتيجة العمل المأجور في السوق بل إنه نتيجة غير مباشرة لعمل المرأة المنزلي. وهو بذلك يقوم باستغلال المرأة مرتين على التوالي: في “وظيفتها” داخل الأسرة، وعملها في السوق حيث الأجر المتدن.

من هذا المنطلق، فإن معركة تحرر المرأة هي معركة مباشرة مع النظام الرأسمالي وأدواته الإعلامية والثقافية والدينية. وبالتالي، فإن الرجل كما المرأة معني مباشرة ومن خلال مصلحة عضوية واقتصادية بالتخلي عن ذكوريته وبالنضال مع المرأة من أجل تكريس هذا الوعي واقعاً معاشاً.وعلى المرأة و الرجل اليوم أن يرفضوا أي شكل من أشكال الاستغلال، سيما ذلك المتعلق بالأعمال المنزلية و رعاية الأولاد.

Publisher:

Sawt al' Niswa

Section:

Opinions

Category:

Workers' Rights

Tags:

Featured:

International Rural Women’s Day

Lamia Moghnie — Mon, 25 Oct 2010 07:30:05 +0000

Sawt al Niswa

This Friday, October 29, you are invited to take part in celebrating International Rural Women’s Day at 7pm in Cafe Gemmayze. Rural women cooperatives will be hosting you for dinner. Tickets are for $25. Our team will be going and interviewing some of the women for Sawt Al Niswa. Join us! Click the poster below for more info.

Publisher:

Sawt al' Niswa

Section:

Resources

Category:

Workers' Rights

Tags:

Featured:

الامومة مش مهنة

sara — Wed, 10 Feb 2010 22:00:00 +0000

flicker / Cintia Barenho/ III Encontro Nacional de Agroecologia (III ENA)

ربيكا سعادة

مّا منقول عامل بفكّر بأهلي. بفكّر ببيّي يلّي حياته كلّا كانت موافقة لتوجيهات “العامل المثالي”. فكروا معي لحظة. مين هوّي العامل المثالي؟ لأ خلّوني صحح، شو هوي العامل المثالي؟ العامل المثالي هوي عامل صامت، صبور، ما بينق، بيشتغل من الصبح لعشية، بيروح عالبيت، بيغنّج ولاده، بياكل وبينام. تيقوم تاني يوم مرتاح عالشغل. هيدي كانت حياة بيّي وبعدها. مش لأنو بيّي ما بيحب يعيش، يغامر ويربح… طول عمره بيّي عم بيضحّي تبكرا يحصد، بس ما بحياتو إجا بكرا، فبقي بيّي عم بيضحي تيشتغل ويشتغل تيضحّي. أي بعرف إنّو أنا عم بكتب لصوت النسوة مش لصوت الرجال. ولأ، مش قبلانة إنو رجّال (ولو كان بيّي) يسرق هل المساحة المخصصة للنسوة. بس إمّي مثلا، إمّي مش عاملة. صحيح بتشتغل من الفجر للنجر، سبع أيام بالأسبوع.

إمّي بتحب وبتحترم صاحبين الشغل (بيّي وإخواتي وأنا). صحيح إنو إمي انذلّت إيام تتأمّن لقمة الخبز، ترجّت عالم تما نطلع بلا علم، تحمّلت نظرة الجارات والشماتة لأنها اشثغلت بالبيوت. بس لأ إمّي منّا عاملة، إمّي إم، لا أكتر ولا أقل. ليش؟ لأنّو إمّي مرا… فلفشوا كتاب القراءة، فتحوا الصفحة المخصّصة لعيد العمال وخبروني كم صورة مرا بتشوفوا؟ المرا بتشتغل إذا اضطرّت. رجعوا تذكّروا صفّكن بالجامعة. كم مرا كان في وكم رجّال؟ شو بتعرفوا عن حياتن هلّق. عملوا ليستة، كتبوا كل إسم وكتبوا شو صار بصاحب(ة) هالإسم هلّق. أنا مستعدّة شارطكن إنّو بتعرفوا منّن نسوان مجوّزة أكتر من رجال. يمكن في منّن نسوان بتشتغل بس أوّل شغلة بتتذكّروا عنّن إنّن مجوّزين. ويمكن في منّن رجال تجوّزوا بس أول شغلة بتتذكّروا عنّن إنّن صاروا يشتغلوا بهيدي الشركة، أو أسّسوا هيديك الشركة. أنا هلّق عمري أربعة وعشرين سنة، قضّيت أربع سنين بالجامعة اللبنانية وسنتين بسوق العمل… بس أنا بعدني بنت.

لمّا بزور بيت ستي بيسألوني ديماً عن حياتي العاطفية، إذا في شب بحياتي ولّا لأ، بيعتبوا عليي كيف هاملة شكلي: إنت حلوة ليش بتعملي بحالك هيك؟ أوقات بلاقي حالي عم جرّب فكّر بمستقبلي، بجرّب إتخايل حياتي كيف رح تصير بكرا. بعرف إنو لما كنت زغيرة كان حلمي إتجوّز وجيب ولاد ولما يصير عمري أربعين بيكونوا ولادي صاروا كبار، بكفي هل كم سنة اللي بقيتلي عم بقرا عا رواق، أنا وجوزي بالبيت. هلّق بخاف فكّر بمستقبلي لما ختير. ما عندي ضمان إجتماعي وما عندي ضمان شيخوخة. ما عندي ولاد ومش ناوية جيب ولاد بالمدى المنظور.

ما عندي مصاري وما عندي بيت مع جوزي… من حلم الطفولة ما بقيلي إلا الكتب، كتير كتب… أنا وين غلطت تا اخترب حلمي؟ ليش ما عندي حس الأمان اللي كانوا مأمنيلّي ييه الأحلام الجندرية اللي لقّموني ييها أنا وزغيرة؟ أوكي حطّوا الميلودراما عجنب. القصة وما فيا إنّو النظام الذكوري المرعي الإجراء بلبنان (تا ما عمّم على كل الشرق الأوسط) نظام ناجح جدّاً. على راس السلم في الرجال ومن بعدو في المرا. الرجال هوي اللي بيعمل الشغل اللي إلو عازة (يعني اللي بيطلّع مصاري) والمرا هيي اللي بتأمنلو الدعم اللوجستي (بيتربّيلو ولاده، بترتبلو بيته، بطبخلو..) والمعنوي (بتنام معه، بتتحمّل فشة خلقه لمّا ينيّك عليه صاحب الشغل، بتتحمّل إمّه ونقّها، بتتحمّل نق ولاده…). بس تا ينجح النظام لازم الكل يكون مقموع كفاية تما يكون قادر يتمرّد عالنظام بس بردو حاسس حاله عم بيضحّي. ما في رجال داخل بالنظام ما بيحس حالو مقصّر، ما عم بيطلّع مصاري كفاية وما في مرا ما بتحس إنها مش حلوة كفاية، مش ذكية كفاية أو مش قوية كفاية. بس بالنهاية ما زال الولاد بيكبروا (وما بيموتوا) فا الأم والبي بيعتبروا حالن عملوا واجباتن، ضحّوا قد ما بيقدروا وماشي الحال. ميشان هيك أنا لمّا فكّر بالشغل بفكّر ببيّي، هوّي اللي واجباته يشتغل. إمّي بتذكّرها بعيد الأم هيّي إم وبس

Publisher:

Sawt al' Niswa

Section:

Opinions

Category:

Workers' Rights

Tags:

الامومة، العمل المنزلي، تحليل إجتماعى

Featured:

المرا العاملة “عاملة”

sara — Tue, 09 Feb 2010 22:00:00 +0000

flicker / AK Rockefeller/ Calendar Girl

جنى نخال

سألوا مرا ليش ما بتشتغل بتجاوبكن أول شي ببسمة (يعني باللبناني: “شو هالسؤال هيدا؟” أو: “شو بدي خبّر تخبّر؟ خلّيها بالقلب بتجرح ولا تطلع من التّم بتفضح”) بعدين بطعطيك مجموعة أسباب منّا حجج، منّا أسباب، ومنّا قصص حزينة لدرجة لمّا نحكي فيا منكذّب تما نزعّل اللي عم يسمع: • ”لمّا تجوّزت جوزي ما كان بيهين عليه إشتغل” : عادة هيدا السبب بيلحقه تعليل (راجع الأجوبة اللاحقة لمزيد من المعلومات). لأنّه تلتّرباع النسوان (والرّجال) بتعرف إنّه ما بقى مأنوسة من الرجال قمع المرا واستقلاليتها بهل الوقاحة.

"لمّا صار عندي ولاد (أو ولدين، أو تلات ولاد…) ما عدت لحّق عا مسؤوليات البيت والشغل”: هيدي، برأيي المتواضع، أكتر الحجج الذكية والمبدعة، لأنّو هيك حجّة ما بتذكر الرجال وبالتالي بتطّلعه براءة من تهمة التقصير بواجباته المنزلية وتدمير اسقلالية مرتو المادية. بنفس الوقت، هالحجة بتصوّر المرا على إنها الأم المتفانية يلّي بالتالي ما ممكن تفشل بمربا ولادها. بس بالنهاية، ليش المرا الوحيدة المسؤولة عن البيت والولاد، ليش ما بدّو الزلمة يساعدا؟

• ”يا خيتي، أنا مرا ما معي شهادة، شو بدّي إشتغل؟ وإذا اشتغلت قدّيش رح طلّع؟ ما بيطلعوا بمصروف الطريق”: هيدي هيي أبشع حجة. مظبوط ميّة بالميّة. تلتّرباع الوقت إذا المرا اشتغلت ما رح تطلّع شي. لأنو بكل بساطة رح تقبض أقل مما بتستاهل وأقل بكتير من حاجاتها… فلشو؟

• ”أنا ما إلي جلادة ولشو الشغل؟ جوزي مأمّنلي كل شي أنا عايزة وكتّر خير ألله”: أنا شخصياً كتير بحب هيدي الحجة لأنو هيدي قمّة الأستسلام للأحكام المسبقة عن النسوان، قمّة التّبني للنظام الذكوري السائد، قمّة الإستسلام لنظام تحطيم وتحجيم المرأة. إنّو ليش المرا ما بدّا تحب الشغل؟ إنّو ليش الرجال بدّو يحب الشغل والمرا لأ؟ أكيد المرا بتحب الشغل، فعلياً ما في مرا ما بتحب الشغل ومش بالعكس. ورجعوا قروا هالحجّة.. أهمّ شي ال “كتّر خير الله” ‘إذا أول شقفة ما قنعتكن بدرجة الإستسلام اللي بتحملوا النسوان، كيف فيكن تفسّروا تاني شقفة. أهمّ شي ال”كتر خير الله” أهمّ شي إنو نرضى بقسمة الله، أهمّ شي ما نفكّر شو كان ممكن نحقق لو جرّبنا نشتغل، أهمّ شي ما نفكّر شو كان ممكن نحقق لو استثمرنا طاقاتنا… أهمّ شي نرضى بالموجود ونسكت.

• ”المرا مش مطرحها برّات البيت”: وين مطرحا المرا؟ بالبيت؟ تتهتم بالولاد؟ معليش سمحولي فيا، هيدي إهانة لكتير من الإمات. الأمومة رغبة، الأمومة مهنة، حرفة وعا شوي موهبة. مش كل النسوان عندن ييها، مش غلط المرا ما يكون عندا هيدي “الرسالة” بالحياة. ما منصير إمات لأنّو خلقنا مع “كس”! • ”لشو؟ تكل يوم يتحشّر فيي مين ماكان عالطريق؟ وتلطيش وزناخة؟”: للأسف، ما عندي جواب عا هالحجة. التّحرّش الجنسي جريمة مقبولة إجتماعياً. هيي جريمة أفظع من السرقة والضرب، شي مرّة سمعتو حدن فات عالحبس لأنّه زنّخ عبنت عالطريق؟ لأ. شي مرّة استضاف برنامج “أحمر بالخط العريض” شي متحرّش جنسي، حطّوا ورا برداية وشوّهولوا صوته وصار يحكي بخجل وأسف عن كيف كان يتحرّش بالبنات؟ لأ. الخجل للعار للمثليين والشراميط مش “للرجال”. والتحرّش مش جريمة، التحرّش نوع من تظهير لواقع الحياة: الطريق بتبقى للرجال وأزغر رجّال عالطريق إلو حقوق أكتر من أكبر مرا عالطريق. بس ما نغلط هون، المشكلة منّا المرا اللي عالطريق، المشكلة منّا حتّى الرجّال اللي عالطريق، المشكلة هيي الصمت والتواطؤ الإجتماعي اللي بدّو يحجّم، يحطّم ويخوّف المرا تما تسترجي لا تنزل عالطريق ولا تشتغل ولا تحب تشتغل حتّى.

• ”والله أنا كنت إشتغل بالمطرح الفلاني بس ما كنت مرتاحة، صاحب الشغل كان يقلل أخلاق معي فا قلت بلاه وبلا شغلو”: كمان شو بدّنا نحكي تنحكي؟ مظبوط، إذا عم تشتغلي مع رجّال (ان كان صاحب الشغل أو زميل) في إحتمال كبير إنّو يتحشّر فيكِ. ليش؟ الأسباب/الحجج كتيرة بس بالنهاية، بيعملا لأنّو بيقدر. بالنهاية، المرا بتتوظّف كبائعة أعضاء تناسلية قبل أي شي تاني. فتحوا صفحة المبوّبات ولوّنوا بالأحمر كل إعلان بيقول “مطلوب بائعة”، ” مطلوب آنسة”، “مطلوب شابة أنيقة”… ورجعوا شوفوا الصفحة كاملة، من دون مزح بتصير الصفحة نصها حمرة! سألوا أية بنت عن هندام “الجوب إنترفيو”… ممكن يكون بيفرجي الجانب المحترف بس عالأكيد بفرجي كل جوانب الأنوثة. وسألوا البنت إذا شي مرّة سترجت تروح بتياب مريحة أو ما كتير أنثوية… وهون كمان بدّا كتير مجهود شخصي تما نوقع بنفس الغلطة اللي حكينا عنّا قبل، المشكلة هون كمان منّا لا الزلمة ولا المرا، المشكلة إجتماعية والحل بإنّو نحكي ونفضح هالجريمة الإجتماعية.

• ”إنّو الأشغال اللي ممكن أعملها بتفرض عليي سرّب عالبيت بعد العتمة وأنا ما معي سيارة”: سلبة… كتير سلبة! هالحجة سلبة لدرجة صارت حجة بتفسّر حالا بحالا. مرا+ليل-سيارة=أكيد لأ! ليش لأ؟ ليش المرا ما ممكن تسرّب عالبيت بالليل؟ بليز ما تقولوا “مش حلوة” أو “مش مطرحا” … وبليز رجعوا قروا اللي انكتب قبل. الهدف من كل اللي كتبتوا مش إنو يإس البنات من وضع المرأة العاملة. أنا إمرأة عاملة، صاحبة شغلي إمرأة عاملة، أعزّ الناس عا قلبي نساء عاملات، مثالي الأعلى امرأة عاملة.تسعة وتسعين من النساء أكتر من نساء عاملات (هنّي نساء بتشتغل عمدار الساعة). بس صرختي على ظروف عمل النساء. صرختي عا إحتقار عمل المرأة. صرختي عا إستسلام المرأة لنظام بيحقّرا وبيحطّما. صرختي لأنو المرا ما بتساند المرأة العاملة، بالعكس بتحطّما. صرختي إنو المرا ما بتقدّر طاقاتا، ما بتتمرّد، ما بتنطفد، ما بتقاوم النظام… في كتير إشيا بدا تغيير، وفي كتير إشيا رح تتغيّر إنتو عطونا وقت وشوفوا كيف منغيّر العالم إبتداءاّ من لبنان، إبتداءاً من مركزنا ببيروت. ووعد منّي إلكن هيدا مش ضرب من الرومنسية، هيدا المستقبل اللي عم نرسموا اليوم وقد أعذر من أنذر

Publisher:

Sawt al' Niswa

Section:

Opinions

Category:

Workers' Rights

Tags:

Featured:

المرا العاملة، عاملة

sara — Tue, 09 Feb 2010 09:55:37 +0000

Joseph Hill/nebedaay on Flickr, under Creative Commons (CC BY-NC-SA 2.0).

جنى نخّال

المرا بتقبض ما بين 30 و 50 % أقل من الرجال. بالكويت 70% من تلاميذ الجامعات بنات بس أغلبية الناس بسوق العمل شباب. سألوا مرا ليش ما بتشتغل بتجاوبكن أول شي ببسمة (يعني باللبناني: “شو هالسؤال هيدا؟” أو: “شو بدي خبّر تخبّر؟ خلّيهابالقلب بتجرح ولا تطلع من التّم بتفضح”) بعدين بطعطيك مجموعة أسباب منّا حجج، منّا أسباب، ومنّا قصص حزينة لدرجة لمّا نحكي فيا منكذّب تما نزعّل اللي عم يسمع:

•   ”لمّا تجوّزت جوزي ما كان بيهين عليه إشتغل” : عادة هيدا السبب بيلحقه تعليل (راجع الأجوبة اللاحقة لمزيد من المعلومات). لأنّه تلتّرباع النسوان (والرّجال) بتعرف إنّه ما بقى مأنوسة من الرجال قمع المرا واستقلاليتها بهل الوقاحة.
•   ”لمّا صار عندي ولاد (أو ولدين، أو تلات ولاد…) ما عدت لحّق عا مسؤوليات البيت والشغل”: هيدي، برأيي المتواضع، أكتر الحجج الذكية والمبدعة، لأنّو هيك حجّة ما بتذكر الرجال وبالتالي بتطّلعه براءة من تهمة التقصير بواجباته المنزلية وتدمير اسقلالية مرتو المادية. بنفس الوقت، هالحجة بتصوّر المرا على إنها الأم المتفانية يلّي بالتالي ما ممكن تفشل بمربا ولادها. بس بالنهاية، ليش المرا الوحيدة المسؤولة عن البيت والولاد، ليش ما بدّو الزلمة يساعدا؟
•   ”يا خيتي، أنا مرا ما معي شهادة، شو بدّي إشتغل؟ وإذا اشتغلت قدّيش رح طلّع؟ ما بيطلعوا بمصروف الطريق”: هيدي هيي أبشع حجة. مظبوط ميّة بالميّة. تلتّرباع الوقت إذا المرا اشتغلت ما رح تطلّع شي. لأنو بكل بساطة رح تقبض أقل مما بتستاهل وأقل بكتير من حاجاتها… فلشو؟
•   ”أنا ما إلي جلادة ولشو الشغل؟ جوزي مأمّنلي كل شي أنا عايزة وكتّر خير ألله”: أنا شخصياً كتير بحب هيدي الحجة لأنو هيدي قمّة الأستسلام للأحكام المسبقة عن النسوان، قمّة التّبني للنظام الذكوري السائد، قمّة الإستسلام لنظام تحطيم وتحجيم المرأة. إنّو ليش المرا ما بدّا تحب الشغل؟ إنّو ليش الرجال بدّو يحب الشغل والمرا لأ؟ أكيد المرا بتحب الشغل، فعلياً ما في مرا ما بتحب الشغل ومش بالعكس. ورجعوا قروا هالحجّة.. أهمّ شي ال “كتّر خير الله” ‘إذا أول شقفة ما قنعتكن بدرجة الإستسلام اللي بتحملوا النسوان، كيف فيكن تفسّروا تاني شقفة. أهمّ شي ال”كتر خير الله” أهمّ شي إنو نرضى بقسمة الله، أهمّ شي ما نفكّر شو كان ممكن نحقق لو جرّبنا نشتغل، أهمّ شي ما نفكّر شو كان ممكن نحقق لو استثمرنا طاقاتنا… أهمّ شي نرضى بالموجود ونسكت.
•   ”المرا مش مطرحها برّات البيت”: وين مطرحا المرا؟ بالبيت؟ تتهتم بالولاد؟ معليش سمحولي فيا، هيدي إهانة لكتير من الإمات. الأمومة رغبة، الأمومة مهنة، حرفة وعا شوي موهبة. مش كل النسوان عندن ييها، مش غلط المرا ما يكون عندا هيدي “الرسالة” بالحياة. ما منصير إمات لأنّو خلقنا مع “كس”!
•   ”لشو؟ تكل يوم يتحشّر فيي مين ماكان عالطريق؟ وتلطيش وزناخة؟”: للأسف، ما عندي جواب عا هالحجة. التّحرّش الجنسي جريمة مقبولة إجتماعياً. هيي جريمة أفظع من السرقة والضرب، شي مرّة سمعتو حدن فات عالحبس لأنّه زنّخ عبنت عالطريق؟ لأ. شي مرّة استضاف برنامج “أحمر بالخط العريض” شي متحرّش جنسي، حطّوا ورا برداية وشوّهولوا صوته وصار يحكي بخجل وأسف عن كيف كان يتحرّش بالبنات؟ لأ. الخجل للعار للمثليين والشراميط مش “للرجال”. والتحرّش مش جريمة، التحرّش نوع من تظهير لواقع الحياة: الطريق بتبقى للرجال وأزغر رجّال عالطريق إلو حقوق أكتر من أكبر مرا عالطريق. بس ما نغلط هون، المشكلة منّا المرا اللي عالطريق، المشكلة منّا حتّى الرجّال اللي عالطريق، المشكلة هيي الصمت والتواطؤ الإجتماعي اللي بدّو يحجّم، يحطّم ويخوّف المرا تما تسترجي لا تنزل عالطريق ولا تشتغل ولا تحب تشتغل حتّى.
•   ”والله أنا كنت إشتغل بالمطرح الفلاني بس ما كنت مرتاحة، صاحب الشغل كان يقلل أخلاق معي فا قلت بلاه وبلا شغلو”: كمان شو بدّنا نحكي تنحكي؟ مظبوط، إذا عم تشتغلي مع رجّال (ان كان صاحب الشغل أو زميل) في إحتمال كبير إنّو يتحشّر فيكِ. ليش؟ الأسباب/الحجج كتيرة بس بالنهاية، بيعملا لأنّو بيقدر. بالنهاية، المرا بتتوظّف كبائعة أعضاء تناسلية قبل أي شي تاني. فتحوا صفحة المبوّبات ولوّنوا بالأحمر كل إعلان بيقول “مطلوب بائعة”، ” مطلوب آنسة”، “مطلوب شابة أنيقة”… ورجعوا شوفوا الصفحة كاملة، من دون مزح بتصير الصفحة نصها حمرة! سألوا أية بنت عن هندام “الجوب إنترفيو”… ممكن يكون بيفرجي الجانب المحترف بس عالأكيد بفرجي كل جوانب الأنوثة. وسألوا البنت إذا شي مرّة سترجت تروح بتياب مريحة أو ما كتير أنثوية… وهون كمان بدّا كتير مجهود شخصي تما نوقع بنفس الغلطة اللي حكينا عنّا قبل،لمشكلة هون كمان منّا لا الزلمة ولا المرا، المشكلة إجتماعية والحل بإنّو نحكي ونفضح هالجريمة الإجتماعية.
•   ”إنّو الأشغال اللي ممكن أعملها بتفرض عليي سرّب عالبيت بعد العتمة وأنا ما معي سيارة”: سلبة… كتير سلبة! هالحجة سلبة لدرجة صارت حجة بتفسّر حالا بحالا. مرا+ليل-سيارة=أكيد لأ! ليش لأ؟ ليش المرا ما ممكن تسرّب عالبيت بالليل؟ بليز ما تقولوا “مش حلوة” أو “مش مطرحا” … وبليز رجعوا قروا اللي انكتب قبل.

الهدف من كل اللي كتبتوا مش إنو يإس البنات من وضع المرأة العاملة. أنا إمرأة عاملة، صاحبة شغلي إمرأة عاملة، أعزّ الناس عا قلبي نساء عاملات، مثالي الأعلى امرأة عاملة.تسعة وتسعين من النساء أكتر من نساء عاملات (هنّي نساء بتشتغل عمدار الساعة). بس صرختي على ظروف عمل النساء. صرختي عا إحتقار عمل المرأة. صرختي عا إستسلام المرأة لنظام بيحقّرا وبيحطّما. صرختي لأنو المرا ما بتساند المرأة العاملة، بالعكس بتحطّما. صرختي إنو المرا ما بتقدّر طاقاتا، ما بتتمرّد، ما بتنطفد، ما بتقاوم النظام…
في كتير إشيا بدا تغيير، وفي كتير إشيا رح تتغيّر إنتو عطونا وقت وشوفوا كيف منغيّر العالم إبتداءاّ من لبنان، إبتداءاً من مركزنا ببيروت. ووعد منّي إلكن هيدا مش ضرب من الرومنسية، هيدا المستقبل اللي عم نرسموا اليوم وقد أعذر من أنذر

Publisher:

Sawt al' Niswa

Section:

Opinions

Category:

Workers' Rights

Tags:

الكتابة بالعامية، المرأة العاملة، مشكلات تواجه المرأة العاملة، لبنان

Featured:

الى العمال الاقدم في التاريخ

deema kaedbey — Sat, 30 Jan 2010 22:00:00 +0000

Nermine Al Horr

عدد العاملين بأجر في لبنان هو نحو 579 ألفاً و298 أجيراً، يضاف إليهم نحو 115 ألفاً و88 مياوماً أو عاملاً على القطعة أو بأجر أسبوعي أو موسمي، فضلاً عن نحو 350 ألف مستخدم يعمل في خارج لبنان. ويقدّر عدد العاطلين عن العمل بنحو 176 ألفاً و313 عاطلاً عن العمل… أي إن عدد الذين تنطبق عليهم صفة «عمّال لبنانيين» يصل إلى مليون و220 ألفاً و699 عاملاً، وذلك بحسب إحصاءات محمد زبيب(الأخبار، 30 نيسان) الذي استعان بدوره بـ إدارة الإحصاء المركزي لعام2007. ولكنني أقول، وبكل ثقة، أن هذه الإحصاءات ليست دقيقة، بحكم أنها تهمل شريحة من عاملين وعاملات لبنان: عمّال الجنس.

تتعذر الإحصاءات الوطنية حول المهنة في التاريخ، تليها مهنة السياسة، ورغم ذلك، لا يمكن للرائي إلا أن يلاحظ مكانتها في بلاد الأرز والسياحة. ومن باب بعض ما أعرف، امتهان الجنس لا يمارس كخدمة سياحية تدر العظيم من أموال بلاد الذهب الأسود فقط، بل هي في الأحياء والزواريب وبجانب جبال “الزبالة”، للشبع والإشباع الوطني أيضا. من هنا توجبت حماية حقوق ممتهني الجنس من الابتزاز والعنف والاتجار، وحماية المستهلكين من مفاعيل الخدمات الجنسية، وفي مقدمتها الأمراض المنقولة جنسياً.

الأمر ليس معقداً بالنسبة إلي ولا يحتمل الكثير من الجهد الفكري أو المساءلة أو المناورة وصولاً إلى الإدانة قولاً وفعلاً. وأنطلق من المعتقدات الآتية:

1-الإنسان حر في اختياراته، ومن ضمها المهنية. وأي اختيار كان لا ينقض إنسانيته.

2-لا يحق لي، كإنسانة، الحكم على خيار الآخرين سيما إن كان بامكاني اختيار الانخراط من عدمه فيها.

3-يحق للإنسان عدم التعرض إلى العنف الجسدي والنفسي والاقتصادي.

4-يحق للإنسان عدم التعرض إلى الاستغلال الاقتصادي والجسدي.

5-الاتجار بالإنسان جريمة.

6-المرأة هي إنسان كامل. الرجل هو إنسان كامل.

أنطلق من هذه المعتقدات، قبل توثيقها في الاعلان العالمي لحقوق الإنسان (1948) وبعده أو في شرعة الحقوق المدنية والسياسية(1966) وقبل توقيع لبنان عليهما (على التوالي 1948 و1973)وبعده، لأؤكد أحقية عمال الجنس بالقوانين الحمائية وحكم هذه القوانين.

هنا، أنا لا أدافع عن مهنة البغاء أو أمقتهاـ ولكنها حقيقة موجودة، يمارسها أناس مثلنا، سواء أدانتها مجتمعاتنا أو إعترفت بها. لذا اعترافاً منا بالحقوق الحمائية التي يستحقها ممارسو البغاء بحكم إنسانيتهم، توجبت حمايتهم من دون الحكم عليهم. ولدى عمال الجنس حقوق في العديد من البلدان ولكنني لا أريد الخوض في ذلك لأنه ليس بمعيار.

ماذا بعد؟ للذين يقولون إنّ المرأة أو الرجل يُجبران على ممارسة البغاء، أقول “ربما” ولكن يمارس العديد من الشابات والشبان أيضاً مهناً تحت وطأة الضغط كالمحاماة مثلاً أو الطب. وربما، فقط ربما، الشرمطة خيار لشرموطة أو أكثر. مهما تكن الأسباب، هي مهنة قائمة بحد ذاتها.

المؤسف أن بنات وأبناء الهوى يعانون الأمرّين من عنف جسدي ونفسي ويتعرضون إلى الابتزاز مراراً. هذا عدا عن الاتجار بهم.

والسبب ليس فعل البغاء بحد ذاته بل عدم حماية الدولة لحقوقهم الإنسانية. فبحكم القوانين، قد لا يستطيع أي قواد أن يستغل “شراميطه” أو ان يكسب من عرق جبينهم، أو أن يمارس “العرسة” أي سلطة كانت عليهم. بالأخص، لا يستطيع إجبار الفتيات والفتيان على ممارسة ما لا يريدونه. من جهة موازية، من مسؤولية القوانين حماية “الزبائن” من خلال الاحتكام الى معايير نظافة محددة كاستعمال الواقي مثلاً. عندما ترى المهنة النور، يذهب العفن المتأصل فيها.

الطريف أنّ من نتائج قوننة البغاء الحد منه، أي لا “يدخل المهنة” إلاّ من يختار ذلك سبيلاّ.

وللمنفجعين على أخلاقياتنا، نحن مستقبلهم، أقول إنه ربما من همة خطط اقتصادية موفقة، ولو لمرة، أن تحد من الفقر الذي قد يدفع بالأفراد إلى ممارسة ما لا يريدونه، من ضمنه، على سبيل المثال لا الحصر، البغاء. بل والأكيد أنّ الانفتاح الجنسي، أي “الانفتاح” قبل الزواج، بكل ما في ذلك من نقاء وحب، أن يحدّ من ممارسة الدعارة.

أعرف أنّ هذا مطلب مبكر على بلد طائفي واستزلامي وأبوي فاسد وتعيس، حيث لا يحصل أي عامل على حقوقه الإنسانية أو الاقتصادية أو الاجتماعية، وفي حين تدان فيه الحرية الجنسية وقف المادة 534 وتقتَل المرأة من أجل الشرف ولا يحق لها حتى نيل الحماية من العنف الأسري. أعرف أن الوصول إلى المطلب شبه معجزة، لكن ماذا عن الاعتراف بأحقية هذا المطلب ضمن المطالب العمالية؟ ماذا لو نعّيدهم في عيد العمال؟

Publisher:

Sawt al' Niswa

Section:

Opinions

Category:

Workers' Rights

Tags:

sex work

Featured: