Sawt al Niswa | صوت النسوة - Workers' Rights

عن وضع العاملات يلي جايين من القمر

Lamia Moghnie — Tue, 22 Mar 2011 08:25:00 +0000

Farah Salka فرح سلكا

كتير منحكي عن وضع النساء بلبنان وكتير مهم انو نحنا وعم نحكي عن وضع النساء بلبنان، انو ما ننسى العاملات الاجنبيات وما ننسى انو هني عم عيشو بعد قمع وذل واستعباد بعد اسوء بميت مرة من يلي نحنا عم نعيشوا ويلي نحنا عم نواجهو وكتير مهم إنو نعرف انو هني نساء متلنا ومش فئة جندرية جاية من القمر. اذا بدنا نحكي عن وضع العاملات الاجنبيات بلبنان عن شو ممكن نحكي؟

عن ايام العطلة؟

سمعي مني، يا بتخليها بالبيت يا بتخسريها… نحنا منعطيها عطلة بس تضل بالبيت… اكيد الاحد ما بتشتغل بس بتروح معنا على غذاء العايلة وبتهتم بالطفل.” على ال 150 دولار يللي بيطلعولها – اذا طلعولها، بآخر الشهر؟ في عالم بتشتري احذية رياضة ب 150$ وعالم بتعيش وبتموت وبتشتغل كل النهار والاسبوع والشهر والسنة وبتاخذ نفس الشي. ايه، وبعيشو بنفس البيت.
عن ساعات العمل الغير محدودة؟
قانون العمل اللبناني يللي بطبيعة الحال ما بيشمل العاملات الاجنبيات يحدد ساعات العمل ب8. العاملات الاجنبيات بيشتغلوا وبيعيشوا في نفس البيت مع رب العمل تبعهن. ما حدا بيعمل مراقبة وزيارات لهذه النساء حتى يشوف وضعهن ومطالبهن وطبيعة شغلهن. فبالتالي، اذا رب العمل قلها تشتغل 8 هو 18 ساعة (او اكثر)، ما حدا حيوقف بوجهه وما حدا حيوقف وراءها. العاملات اللاجنبيات موجودين ببيوتنا متل الروبوت. ما في وصف وظيفي محدد ولا ساعات عمل محددة ولا ساعات راحة محددة.
عن المكاتب يللي فاتحة تجارة بشر؟ يستوردوا ويبادلوا كأنهن بضاعة. مكاتب بتضرب وبتحبس وبتربي العاملات وما في دولة تراقب او تربي المكاتب يللي بدها تربية؟
على وزارة العمل يللي وزيرها كل ما حدا خبره عن العنصرية المتفشية واوضاع العاملات بينكر وبيستنكر وبينجرح وبيتهمنا بتخريب صيت لبنان؟
عن التحرش الجنسي والاغتصاب يللي بيصيروا وما بتعرف المرأة شو تعمل ومع مين تحكي وكيف تخرج من هيدا الوضع؟ وشو بيكون وضعها اذا قررت تترك (مش تهرب متل ما عادة يقال) من هيدا البيت كونه ما في قانون يحميها؟ وضعها القانوني انو شي ما تفل من هيدا المكان يللي يشكل خطر على حياتها، بهذه اللحظة يصبح وجودها غير قانوني، كونه:
اولاً، جواز سفرها موجود مع رب العمل.
ثانياً، وجودها القانوني في لبنان مرتبط رسمياً باسم رب العمل.
وثالثاً، في معظم الحالات، رب العمل بيرفع شكوى انو هربت من عندي وسرقت 2000$ وصيغة ولازم تنحبس، واكيد كلمة رب العمل اللبناني مقدسة امام كلمة عاملة اجنبية سوداء وفقيرة.
اذا بدنا نحكي عن وضع العاملات الاجنبيات فينا نحكي كتير ولو قد ما حكينا ما منوفي حقهن…
العاملات الاجنبيات عم يموتوا في لبنان الواحدة ورا الثانية. يا بيرجعوا على بلدهن مكسرين ومش مدفوع معاشاتهن… يا بيرجعوا منتحرين او مكسرين او مقتولين. الاسبوع يللي مضى، في عاملة من اثيوبية وقعت عن الطابق السابع لما الشرطة اجتاحت بيتها وبيت اصدقائها الساعة 4:30 صباحاً لأنه ما معهن اوراق. في نفس الاسبوع توفيت عاملة نيبالية لما شنقت حالها في غرفة ربة عملها.
في هرميات انواع العمل، شغل هذه النساء من اصعب الاشغال ولكن عم ينَظر الى شغلهن بطريقة دونية جداً كون “شغل نسوان” بيُعتبر شغل سخيف والنسوان اصلاً لازم يشتغلوا بلا مصاري.

وفي عقلية سائدة وقت بيفكروا حالهن الناس احسن من غيرهن اذا بيعاملوا البنت متل بنتن او حدا من العائلة. وهون بالذات تكمن المشكلة. كأنو ما حدا عم يعامل او عامل هذه المرأة بطريقة منيحة. العمل الذي تقدمه هذه النساء هو مهني وله شروطه وتفاصيله وسعره. لما نصير نقول ان هذه العاملة بنتي و اختي ورفيقتي، عم يخرج هيدا الشي عن نطاقه الاساسي وعم يدخل عليه كتير احاسيس، صادقة او مفتعلة، لا تفيد العاملة ولا رب العمل.

لازم يجي نهار نستوعب ان هذه العاملة ما بدها لا شفقتنا ولا حنيتنا ولا من يحزنون. بدها عدالة وحقوق وواجبات واضحة جداً. بدها تشتغل ساعات عمل محددة وتعمل كل ما يحق لها بوقت فراغها. بدها مفتاح البيت مثلها مثل اي حدا ساكن في هذا البيت. وبدها مجتمع بأكمله ينظر لها بدون عنصرية، ينظر لها كشخص مش كديكور بيت.

Publisher:

Sawt al' Niswa

Section:

Opinions

Category:

Migrant workers

Tags:

Featured:

مقياس حرية المجتمع هو حرية المرأة: ما حصل لنساء مصر في الثامن من اذار

Lamia Moghnie — Mon, 14 Mar 2011 08:55:00 +0000

Sally Ali

فى ميدان التحرير أسقطنا نظام مبارك، و تعلمنا كل ما هو إيجابي في مناهضة الديكتاتورية والقمع، لذلك قررت الكثيرات من الناشطات النسويات فى مصر أن يسقطن التمييز والتخلّف، والثقافة المتعفنة التى ما زالت تفرق بين الرجل و المرأة و تعتبر كل قضية تدافع عن المرأة نكتة تستحق الوقوع من الضحك عند سماعها…

اجتمعنا نساءً و رجالاً فى ميدان التحرير فى اليوم العالمى للمرأة ،متحمسين ومتحمسات كالعادة، أعمارنا متفاوتة بين أساتذة جامعة و كاتبات إعلامين وإعلاميات وطلاب وطالبات .ونظمنا شعاراتنا والبهجة تملأ قلوبنا بالرغم من قلة عددنا الذى لم يتخطى مائتى متظاهر/متظاهرة فى بداية الوقفة. كانت شعاراتنا “عندى أب و أم، عايزة رئيس او رئيسة“، “صاحب بالين كداب و جوز أربعة منافق” و غيرها. كان هدفنا الأساسى هو “مشاركة المرأة فى المستقبل الدستورى و القانونى و السياسى لمصر“..

كنت أحمل لافتة مكتوب عليها “مقياس حرية المجتمع هو حرية المرأة“ عندما فاجأتنى سيدة أربعينية و هى تقول “أنتم عايزين تخربوها أكتر،هي الرجالة عارفة تمسك عشان النسوان تمسك!!!”،هكذا قالت تلك السيدة و ذهبت وتركتنى ألعن هذا المجتمع الذى زرع بذرة الجهل فى عقلها. لاحظ أصدقائى غضبى وهم كانوا يشاركونني فيه لتعرضهم إلى مواقف مشابهة ، كنا بدأنا نغنى “كورال” بمطالبنا، و كان عددنا في تضاعف،

ولكن لم يتركنا المتعفنين لنهنأ. لا نعرف من أين أتى هذا الشيخ الذى أخذ يسبّنا و يكفّرنا،أخذ يردد و حوله مجموعة من الرجال ” أنتم كفرة، دة ربنا قال صوت المرأة عورة،و أنتم فرحانين قوى بنفسكم و نازلين تتظاهروا“، تكفل أحدنا بالرد بالمنطق و نفى أن ما يقوله لا علاقة له بالدين،و كنا نعلم تماماً أن النقاش مع شخص سلفى لن يؤتى بنتيجة،فأكملنا الهتاف بمطالبنا، و تلك اللحظة كانت بداية أسوأ ساعة مرت فى حياتى، حيث تخلل داخلنا الكثير من البلطجية و أدوا دورهم من التحرش الجنسى و قطع اللافتات، تعرضنا إلى التحرش الجنسى فى مظاهرة أحد مطالبها هو قوانين صارمة ضد التحرش!!

بينما كان تقف مجموعة من الرجال يتخللهم الكثير من السلفيين والمتشددين دينياً ينعتوننا بأقذر الشتائم، و يرددون “باطل،اطلعوا برا،روحوا على المطبخ” و بين تبجحهم و ثقافتهم الدنيئة كانوا يرددون ” الشعب يريد إسقاط النسوان“!!

أحد هؤلاء الرجال كان ذو لحية قبيحة ، اعترض طريق فتاة قائلاً “كمان مسيحية و مرة! بتطالبى بإيه يا ******”! تعاملت معة الفتاة بشجاعة حتى تدخل صديق عندما بدأ هذا الرجل بالتبجح وقال بلغة منحدرة جداً إنه يريد أن يمارس معها الجنس و إنه يستطيع أن يعرّيها هنا فى الميدان!

هذ الرجل هو نتاج مجتمع متعفن، حكم أنها مسيحية فقط لعدم ارتدائها الحجاب،و عبّر عن وجهة نظره بأنّ المرأة لا مكان لها إلاّ السرير…

و الغريب جداً أنّ هؤلاء الرجال يعتقدون أنّ هذا حقهم و يبررونه بالدين، لا أعرف كيف أمنت عقلية بهذا العته!!

هكذا تعرضنا إلى التحرش،الضرب،السب فى يوم المرأة العالمي،حتى أصدقاءنا الرجال تعرضوا إلى السب بأنهم ليسوا رجالاً..

الرجال الذين شاركونا هم أفضل شباب فى مصر،شباب تمكنوا من التحرر من تقاليد المجتمع و القيود العقلية و النفسية التي يزرعها أهالينا داخلنا!

حدث فى طهران،فى مظاهرة ضد الحجاب، 8 مارس 1979 ،شىء مشابه لما حدث لنا فى 8 مارس 2011…شىء محبط إلى أقصى درجة أن نرى هذا يحدث فى مصر بعد ثلاثين عاماً من حدوثه فى إيران.

فى صباح 8 مارس، كنت أكتب مقالاً لأحتفل بهذا اليوم المميز و كنت أريد أن أتممه بنماذج ومواقف مبهجة من مظاهرة المرأة، ولكن هذا ما حدث فلم أستطع أن أعود إلى تلك الحالة من البهجة…