Sawt al Niswa | صوت النسوة - النسوية

في أن نكون عبئاً على اللاحقات

deema kaedbey — Mon, 27 Jul 2015 10:20:48 +0000

عزَة شرارة بيضون، مواطنة لا أنثى، دار الساقي

عزَة شرارة بيضون

عزَة شرارة بيضون

من كتاب: عزَة شرارة بيضون. مواطنة لا أنثى. بيروت: دار الساقي، 2015: 239-40

أذكر أننا بعد عودة الوفد الرسمي من بكين—حيث عقد مؤتمر المرأة العالمي الرابع في العام ١٩٩٥—دُعينا الى اجتماع عام في دار الندوة في رأس بيروت للتداول حول ما يسع المهتمات من النساء (أفراداً وجمعيات) عمله من أجل استئناف النشاط النسائي الرسمي وغير الرسمي الذي أطلقه التحضير لهذا المؤتمر. في هذا الاجتماع تمَ تداول موضوع "التحرر الجنسي" الذي بدا أن بعض رجال الدين الذين عندنا قد أبرزوها في الإعلام، من بين عشرات المسائل التي طرحت في ذلك المؤتمر، ليشنَوا على المؤتمر حملتهم التي أخذت أشكالاً مختلفة في سنوات ومناسبات لاحقة، ولا تزال. وأذكر أن أكثر من واحدة من الحاضرات أعلنت أنها ضدَ التحرر الجنسي متبنيةَ، بذلك، ما أطلقه رجال الدين على فقرة من فقرات التقرير النهائي للمؤتمر.

تأمَلتُ الحاضرات فبدا واضحاً أن الغالبية الساحقة منهن متزوَجات وفي أعمار تجاوزت الخمسين. هكذا برز سؤال بديهي لا يحتاج طرحه لأكثر من فطنة متوسَطة: هل يدرك هؤلاء أنهن لا يمثَلن "كل" النساء وأنهن يجهلن، على الأرجح، رغباتهن أو مطالبهن الراهنة؛ وفي ما إذا كان موضوع التحرر الجنسي، مثلاً، أولوية لديهن أم لا، وأنهن غير مخوَلات، تالياً، للجزم حول أهمية الموضوع، أو عدم أهميته؟ في ذلك الاجتماع لم يرتفع صوتٌ واحدٌ للقول إن من الأجدى التريَث قبل "رفض التحرر الجنسي"، أو قبل تحديد أولويات الانشغالات النسائية، ريثما يتمَ التأكَد من رأي النساء، كلَ النساء، والشابَات منهن على وجه الخصوص.

يبعث اليقين الذي يسمُ كلام بعض النسويات الكهلات في حيرةً وبعض الإرباك، وأجده من بعض بقايا التماهي مع الرجال "المتأكدين" والذين يذكَروننا، في أكثر من مناسبة، بصواب تحليلاتهم التي قامت بتشخيص مسألة ما لا تزال راهنة. وهنَ، إذ يكرَرن في كلامهن أو يُسندن في تحليلاتهن مراجع متقادمة، يوحين بثبات الأمور وبأن نضال النساء منذ ذلك الحين لم يقدَم شيئاً كفيلاً بتعديلات في الوضعية تستوجب إعادة النظر في تلك التحليلات. بل إن بعضهن يرفضن، مثلاً، التعرَف الى الشابات بحجج مختلفة: هذه تنتمي لتنظيم إسلامي فلا جدوى من السعي لمعرفة موقفها "المعروف"، وتلك المنظمة النسوية انشقت عن منظمة للمثليين وموقف مجتمعنا غير قابل بذلك التوجَه الجنسي، فلا ضرورة لاشتمالها مع منظمات غير حكومية نحن بصدد استكشاف اتجهاتها، وتلك مجموعة نسوية ملحقة بتنظيم سياسي محافظ و"نساؤه" محافظات بالضرورة، إلخ. هو يقين طارد للفضول، الشرط الضروري للتعرَف الى نساء لا يشبهننا، معزَز لأحكام تُخفض من امكانية التضامن فيما بيننا.

ولا تُعفى بعض الشابَات من المواقف الغير الودودة إزاءهن. وتجربتي مع بعضهن بيَنة على أنهن لا يبذلن الجهد الضروري للتعرَف إلى النسويات اللواتي سبقتهن الى العمل النسوي. ومن الدلائل على ذلك، مثلاً، أنهن لا يحضرن الى مواعيد ضربنها لنا لأسباب مختلفة، وهو أمر حدث معي أكثر من مرَة، وحدث مع أكثر من باحثة من زميلاتي.

لكنني أخشى، مع ذلك، أن يكون حضوري "عبئاً" على الناشطات الشابات وأحرص على تذكيرهن، والى تنبيه نفسي، بأن موقعي بينهن ينبغي أن يكون، على الدوام، مشروطاً بإصغائي الى نبض هواجسهن، ومشروطاً، كذلك، بصحَة استجابات أبحاثي لحاجاتهن. ويتعيَن عليَ في كل مرة تذكيرهن بأن لقبي الأكاديمي لا يصحَ، في مقام نقاش مواضيع راهنة تهمَهن، سبباً لصواب ما أقول، وأن "نسيانهن" ذلك اللقب ذو جدوى لنا، نحن الاثنين؛ فهو إذ يحثَني على عدم الركون الكسول الى معارفي، يشحذ حسهنَ النقدي لما يُقال، فلا يعشى على ذلك الحس بريق الألقاب التي أشعر، أحياناً، أنها تستخدم عندنا كي تهوَل على الآخرين وتحدَ من حريَة قولهم، بل إن هذه الألقاب تعمل بوعي على قمع استجاباتهن، وعلى استدعاء صراحة نقدهم.

أقول: إن نسويَات "الموجات" السابقة، تماماً كما هن نسوَيات الموجات اللاحقة، محتاجات الى بعض التواصل وإلى القليل من المغامرة: ننسحب نحن من مواقع يملكن هنَ معرفة أوسع فيها وتعبيراً أصدق عنها، ويحاولن هنَ الإصغاء الى الدروس التي تعلمناها من تفعيل النسوية عندنا، لأن تكرارها إضاعة لوقت ثمين. الانسحاب والإصغاء، كلاهما، فيهما من التواضع ومن المغامرة الضروريان لدرء التكرار—الموت.

Publisher:

Sawt al Niswa

Section:

Opinions

Category:

Nasawiya

Tags:

Featured:

نمنمات عن الحرب الجاية

deema kaedbey — Mon, 09 Aug 2010 21:00:00 +0000

نسرين شاعر/ Nisrine Chaer

“البلد ماشي”، متل ما بقولوا. بس كلنا منعرف إنو البلد ما بحياتو ضل ماشي فرد سحبه. البلد بالحقيقة بيكون ماشي بس فجأة بيوقف وحياتنا بتوقف معو بكل مرة. وبتصور عرفتو شو قصدي وقت قول إنو البلد وقف فجأة. عادةً بتبلش الخبرية وقت نسمع بشي إنفجار او نعرف بشي صاروخ طالع من هون او شي قنبلة نازلة من هونيك. أكترية الأوقات بتنتهي الامور بلا سبب، أو بعد ما ينعمل شي قمة بعاصمة عربية لإستنكار أعمال الشغب والإحتقان الطائفي بالبلد.

ومن بعدا، بيجتمعو الزعما القبضايات وطبعاً بعد سقوط “ضحايا ابرياء” و”هدر دمون” عل فاضي، وبقررو “يحلوها حبياً”، وطبعاً بيعملو تسوية كرمال البلد. وإذ، البلد بيمشي، ومن لاقي حالنا رجعنا عل ستاتسكو نفسو.

بحيالا لحظة معقول الوضع ينفجر، ومن قول إنو أكيد بتنحل متل العادي. بس عن جاد بتصدقوا هل شي؟ نسينا يللي “بتنذكر وما بتنعاد”؟ وبعدين لحظة لحظة، ما يروح فكركن كتير ل ورا. اذار 2005 والانفجارات، تموز 2006, ايار 2008 وويللي صار مبارح بشجرة الجنوب، كل هول من شو بيشكو؟ أنا عشتن شخصياً بكل حماسهن ومفجأتهن السارة، ومع إنو مرقوا عليي ع خير على الصعيد البيولوجي، بتصور اثرهن كان أبعد من هيك.

الحرب عادةً كارثة على الكل. بس أنا برأيي هي كارثة خاصةً على المرأة. وكملاحظة بئلكون انو المرأة فيا تكون مشاركة بطريقة غير مباشرة بالحرب و تكون مؤيدة لها يا بالتصويت بصناديق الاقتراع لل طبقة السياسية الفاسدة، وكمان بتشجيعها المباشر او غير المباشر لل عنف بالكلام و التحريض الطائفي مثلاً. ولكن الفكرة هون، وهي من البديهيات، إنو الميليشيات ويللي بيحملو سلاح وبنفذوا العمليات العسكرية كلون من نفس الجندر(النوع الاجتماعي)، وعم يستهدفو عدة فئات من المجتمع ومن بينها جندر بالكامل منو مشارك بهل عنف بطريقة مباشرة. مزبوط إنو الضحايا هني من الجنسين، والأثار الاجتماعية والاقتصادية والنفسية هي نفسها، بس الفكرة هون إنو بمجتمعنا الذكوري، مش بس المنفذين هني من جندر واحد، بل أيضاً يللي بياخدوا القرارات ويللي تاريخياً عملوا من “الحرب” مصطلح سياسي عسكري إستراتيجي، ويللي كمان اخترعوا الأديان يللي طبيعي بدا تولد الطائفية، سقبت “بالصدفة” إنو كلن رجال أو نساء ذكورين.

فبالنسبة ل أية نسوية (أو نسوي) عايشة بهالبلد، في سؤال لازم ينطرح. لأنو كل ما يصير عملية عسكرية، عم تطر إنو تتحمل عواقب الحرب المأسوية، وإنو كمان تترك درسها وجامعتها وشغلها وحياتها يللي بانتها. هيدا سؤال أساسي، خاصةً بسبب غياب كامل للمرأة، وبالأخص النسوية (أو النسوي) عن مؤسسات الدولة والساحة السياسية العريقة.

من بعد كل هل تشاؤم، رح قدملكن 5 حلول عملية لل نسوية (والنسوي) للحرب الجاية:

اوبشن #1: نركض ع أقرب سفارة.

طب وبركي ما بدنا أو مش قادرين نسافر؟

اوبشن#2: البقاء في لبنان و شراء ال مونة.

بم أنو أكتريتنا نسوان يعني لازم نجرب نلحق المونة قبل ما تطير من الدكاكين. هيك من كون جاهزين ل إستقبال الحرب ماهيك؟ هلق بيني وبينكن أهم شي نأمن 10 كيلو بزر و ورق الشدّة، والباقي تفاصيل هامشية. ويمكن كم صندوق بيرة المازة كرمال نرفع راسنا ولو! مع شوية موسيقى وأصحاب، أحلى بارتي ! هيك من كون اكيدين إنو عم نقضي على الزهق الناتج عن القعدة بالبيت خلال الحرب.

بس لحظة شوي، ورق وتفقاية بزر ولا مبالاة تجاه الحرب يللي دايرة برى؟ هيدا، هيدا مش شي نسوي!!

اوبشن #3: نبقى 24/7 على الاخبار والانترنت.

النسوية بتفقع إذا قطعت حالها عن العالم (وخاصةً إنو مش معودة تقعد بالهوتل… قصدي بالبيت!). فكرمال تحس حالها موجودة وإنو بعدها على إتصال مع العالم الخارجي، لازم تقضي كل وقتها على الاخبار، من TV لصحافة إلكترونية لفايسبوك لتوتير، وراديو وقت قطعة الكهرباء (عرفتوا هيدا الراديو الزغير مع أنتن يللي الختايرة بفوتوا معن عل حمام!). هيدول كلون بِِِِِيخلونا على إطلاع عكل تفاصيل المعارك الحماسية يللي عم تدبك برا.

بس هل متابعة الأخبار كل النهار بتكفي؟ وين بتفضي النسوية عن غضبها (خاصةً إذا عم تحضر الاخبار)؟ لشو حياتها؟

اوبشن #4: مظاهرة

إيه نعم. لازم يكون عنا شوية جرأة وما نخاف من القصف والرصاص! هيك هيك معودين عل مظاهرات، وأصلاً أكتريتنا بنات شوارع. ف يللا! منخلق ايفنت ومننزل عل شارع تنعبر عن رأينا بل موضوع!

بس المشكلة إنو ما فيي أضمنلكن شو ب صير بنزلتكن عل شارع تحت القصف.

اوبشن #5: موتي شهيدة

بشرفكن، في أروع من الشهادة فداءً للنسوية؟ ما في ! هيدي قمة العظمة. وإذا كنت محظوظة، منعملك مراسم تشييع ومنقرألك جوديث بتلر على قبرك، ومنعملك ذكرى سنوية وكتير نشاطات أخرى إذا كان النا خلق

Publisher:

Sawt al' Niswa

Section:

Opinions

Category:

hereandthere/من هنا وهناك

Tags:

Featured: